اعيونك اسهام انبتن بگليبي ومخالف
وضليت اون بعبرتي حجاز ومخالف
وشلون املك وهم اسمعت مي خالف
المجر ورجع بالعكس رد وصعد راسي
حبك جتلني وغرامك بالگلب راسي
وريدك بس لو متت توچب عند راسي
وتگلي أحبك ولو بالچذب ميخالف
اگل لناس ما احبك وانا مجنون بعيونك
واداري النار البگلبي وتسعر من يذكرونك
حلو وبحبك انجنيت ولا مثل اليحبونك
ورهم روحي وانه ادري ابد ما ارهم بدونك
ولملم حالي تا اگلك احبك واني مجنونك
لكن من اصل يمك اگلك مرحبه اشلونك
انت عينك على شفتي وانا عيني على الشفايف
وانا كل اعظامي ترجف انت خايف واني خايف
شلون هسة منهو يحجي منهو يبدي بالسوالف
انت لواني دخيلك مو همت وكليبي تالف
ادري بعيونك تحبني وكلبي لعيونك موالف
بس تعال اليحجي كلمة بلاخجل وبلامخاوف
ماخجلت بيوم مرة وبالحجي شايف وعايف
ويامة يامة لساني غازل وسكتت يامة مضايف
وهسة اريد احجيلي كلمة مرتبك جسمي يتراجف
وانت شوهم مثلي ترجف وبالعرك شو مثلي طايف
اشصار بينة شمر عليني شكثر مرينة ابمواقف
ماخجلنة ومارجفنة ومانبوك العين طارف
جنها مو كلمة احبك جن جبل بالساني واكف
وارد اكلك شنهي هي كلمة لوجرم ومخالف
شو احبك حيل احبك كافي عركانين وندور مناشف
وسلامتكم احباب قلبي واتمنى انت تعجبكم واكيد تعجبكم لانو شعر مالك الحزين
موضوع: شعر مالك الحزين 
السبت أغسطس 09, 2008 10:12 pm
