انتهت الحكاية

خلاص نهيت بايديك الحكايه؟

خلاص نهيت اجمل روايه؟

خلاص وصلت لاخر نهايه


بس سؤال جواه الف سؤال؟

ممكن تلاقي غيري صديق؟

يمسح دمعتك لما يضيق الطريق؟

يسمع شكوتك لما صدرك يضيق؟

يسند خطوتك يتحمل حتى قسوتك؟

يشاركك الم يشاركك نغم يشاركك حتى بسمتك؟

يكون المخدر اللي بيه تنسي هموم دنيتك؟

يكون الايدين اللي تدوي جروحك لو الدنيا جرحتك؟

يكون الامين على سرك لو يوم اسرارك وجعتك؟

يكون الحبيب اللي يفديك بعمره لو يوم الناس غدرتك؟

يكون الحضن اللي جواه تنسي وحدتك؟

يكون القلب اللي يتقطع لو شوكة وردة شكتك؟

يكون حاجات كتير مايقدرش يكونها الا اللي داب في محبتك؟

يمكن تلاقي؟ بس ممكن تلاقي؟